Impetteng ni Department of Justice Secretary Jesus Crispin Remulla kadagiti addaan iti panggep a mangriribok iti manarimaan nga imbestiagsyon dagiti mapukpukaw a sabungero a ti pananglapped a maipila ti kaso kontra kadagiti responsable iti daytoy ket maysa a krimen.
Daytoy ket kasaruno ti panakaarestar dagiti agassawa a kabagyan ti maysa kadagiti mapukpukaw a sabungero gapu iti maatap a pananggandatda a kumbinsiren ken bayadan dagiti kakabagyan ti daduma pay a missing sabungero tapno laeng isanud ti kaso.
Iti agdama, dukduktalen paylaeng iti DOJ nu siasino ti adda iti likudan ti inaramid dagiti naarestar nga agassawa.
Kagiddan dayta, inyunay-unay ni Remulla a saanda a palubsuan ti siasinoman a mangharang iti imbestigasyon dagiti mapukpukaw a mammallot.
