Manarimaan ti imbestigasyon iti napasamak nga uram sadiay Sunflower street, First road, Quezon hill ita nga aldaw iti oras ti ala una kwarentay singko ti malem nu sadino naideklara ti fire out pasado alas dos ti malem.
Iti panakiuman ti Bombo Radyo kenni Bureau of Fire Protection Baguio City Ashley Furigay, kinunana a maysa a balay nga addaan iti tallo a kadsaaran ti partially burn gapu ta ti first floor daytoy ti nakaro a nauram.
Naballaagan met dagiti residente a saanda pay a mabalin nga agnaed iti nasao a pagtaengan gapu ta delikado daytoy nangruna ket inyebkas dagitoy a kayatda a bantayan ti balayda.
Awan met ti nairekord a casualty ngem maysa nga indibidual ti nakasagrap iti asok ti nasao nga uram.
Mapatta-patta a dumanon iti agarup P525-K ti danyos ti nasao nga uram ngem mabalin a manayunan daytoy.//Bo,bo Noveh Organo
