Agtultuloy ti imbestigasyon nga ipatpatungpal dagiti otoridad seknan iti maysa a maladaga a nasarakan iti maysa a comfort room sadiay Asin, Nangalisan, Tuba, Benguet itay nabiit.
Iti panakiuman ti Bombo Radyo kadagiti otoridad, kinunada a nakaala metten dagitoy iti kopya ti CCTV footage a makatulong para iti imbestigasyon.
Sigun kadakuada, addan metten ti suspetsa-da a nanang ti nasao nga ubing.
Maibasar iti report dagitoy, bayat nga agdaldalus iti cr iti maikatlo a kadsaaran ti babae nga agtawen iti 32 ditoyna a nakita ti bagi ti maladaga a naiparabaw iti basuraan.
Dagus met nga inawaganna dagiti katrabahuanna ken ti manager dagitoy rason nga inturongda ti nasao nga ubing iti billiard hall dagitoy.
Nupay kasta, impakaammo ti SOCO team a pimmusay ti babae a maladaga no sadino addaan daytoy iti katayag a 46 cm.
Naipasidong metten iti autopsy ti bangkay daytoy..
Manarimaan metten ti imbestigasyon no sibibiag ti nasao a maladaga sakbay a naabandona daytoy tapno maammuan metlaneg ti kaso a maipila iti ina daytoy.
Kinuna dagiti pulis a possible a sumango ti ina iti parricide wenno infaticide.
Ti parricide ket isu iti panangpatay ti maysa a nagannak iti ubing a naipasngay iti nasurok tallo nga aldaw ngem no naipasngay daytoy iti nakurang iti tallo nga aldaw ket sumango daytoy iti infaticide.
Adda metten ti bangkay ti maladaga iti maysa a funeral iti siudad ti Baguio.//Bombo Noveh Organo
