BAGUIO CITY – Agtultuloy nga im-imbestigaran dagiti otoridad ti motibo ken pakabigbigan ti suspek a responsable iti pammaltog sadiay Bangued, Abra idi kalman.
Immunan a nabigbig ti biktima a ni Ronie Bringas, Punong barangay ti Angad, Bangued, Abra.
Iti inisial nga imbestigaran, manarimaan ti panagbuyani Bringas iti basketball idi pinaltogan daytoy ti nakamotorsiklo a lalaki iti namingsan a daras.
Nagsagrap ti biktima ti maysa a tama ti paltog iti ulona a nangitunda iti ipupusay daytoy.
Kinamat met dagiti maseknan nga umili ti suspek a nakalugan ti motorsiklo ngem napaay dagitoy.
Narekober dagiti otoridad ti maysa a basyo ti bala ti caliber 45 iti nakapasamakan ti insidente.
Maipalagip a napaltugan metlaeng ti nasao kapitan tallo tawenen ti napalabas ngem nakalasat daytoy iti daydi a panawen.
