Imbasura ti House Committee on Justice ti dua nga impeachment complaints kontra kenni President Ferdinand “Bongbong” Marcos, Jr. kalpasan nga inaprubaran ti nasao a komite nga insufficient in substance dagiti reklamo.
Iti bilang ti botos 39 pabor, 4 against ken 0 abstain, pormal nga naibasura dagitoy idi kalman.
Sigun kenni Committee Chair Rep. Gerville Luistro, kasapulan gamin ti nalawag nga recital of facts tapno maideklara nga umdas ti substance na ti maysa nga impeachment complaint.
Innayonna pay nga awan ti kanayunang nga ebidensiya nga insumitir dagiti complainants tapno mapasingkedan ti reklamo dagitoy.
Iti baet dayta, impetteng ti Makabayan bloc nga ituloyda nga itandudo liabilidad ti presidente iti nagduduma nga isyu nangnangruna iti maipanggep iti foreign policy ken socio-economic issues. // Bombo Karen Calpoe Sapirao
