BAGUIO CITY – Kiniddaw ti City Environment and Parks Management Office (CEPMO) ti panangisumitir dagiti maseknan iti written complaint no adda ti pakaseknan wenno reklamoda iti panangimplementar ti lokal a gobyerno iti anti-smoke belching ordinance ditoy siudad ti Baguio.
Kasaruno daytoy ti panakaidanun kadakuada ti reklamo ti maysa a driver seknan iti nakumpiskar a lisensya daytoy idi saan a nakapasa ti manmanehuenna a lugan iti naisayangkat nga anti-smoke belching test sadiay Bokawkan Road.
Atapen ti driver nga ingagara ti apprehending officer a binadekkan ti accelerator ti luganna isut gapuna a rinumwar iti napuskol nga asok.
Nupay kasta, kinuna ni Engr. Ruben Cervantes, dadaulo ti CEPMO nga adda ti sursurutenda nga standard iti panagbaddek kadagiti accelerators dagiti lugan a maipasidong iti smoke-belching test.
Inlawlawagna a mabalin a kumpiskarenda iti lisensya wenno plaka dagiti saan a makapasa iti nasao a test.
Impanamnamana met a no madukatalanda nga adda ti panagabuso dagiti apprehending officers ket maimbestigaran ken maipaayan ti reklamo iti kaskenan nga aksyon. (-with Bombo Nikki Agsiweng/ Bombo Brigitte Marcasi)
