BAGUIO CITY – Ad-adda a maingetan dagiti nagduduma a border control checkpoint iti Cordillera Region tapno saan a maiserrek dagiti iligal a paputok kagiddan ti holiday season.
Sigun kenni PLtCol. Sibly Dawiguey Jr., assistant chief ti regional operations management division ti PROCOR, nangipaulogdan iti pammilin iti nagduduma a Police Provincial Offices ken iti City Director para iti naing inget nga inplementasyon ti Republic Act 7138 wenno ti linteg a mangitudtuding iti regulasion iti pannakaaramid ken pannakailako dagiti palibang ken dadduma pay a pyrotechnic devices.
Kinunana a rugianen dagiti otoridad ti agwanawan kadagiti checkpoints kagiddan ti panagrugi ti holiday season.
Namnamaenda pay nga awan ti maiserrek nga iligal a paputok iti rehion tapno agbalin a natalged ti panakarambak ti holidays.
