--Ads--
Inwaragawag ti Ministry of Health idi Martes, Oktubre 27 a dumanunen iti 10,060 ti bilang dagiti nairekord a kaso ti Ebola virus sadiay Democratic Republic of Congo.
Dandani kagueddua kadagiti nasao a bilang ti pimmusay.
Daytoy ti maibilbilang a kadaksan nga outbreak iti pakasaritaan ti nasao a pagilian.
Nangrugi ti panagraira idi Mayo gapu iti Bundibugyo virus, maysa a variant ti Ebola nga awan pay ti bakunana.
Manipud iti tallo a probinsiya, nagwaras daytoy kadagiti walo a probinsiya ken 66 a health zones.
Marigatan ti gobierno a manglapped iti daytoy gapu iti nakapuy a kasasaad ti kalsada, armado a tension, ken dagiti palso nga impormasion.
