Isang late goal ni Daniel Muñoz ang naghatid sa Colombia sa Round of 32 ng World Cup matapos talunin ang DR Congo, 1-0, sa Group K.
Sa ika-76 minuto, umiskor si Muñoz mula sa kanan ng penalty area matapos ang ilang pagkakataong naisalba ng goalkeeper na si Lionel Mpasi, na naging malaking dahilan kung bakit hindi agad nakabreakthrough ang Colombia.
Dominado ng Colombia ang laro mula simula, kabilang ang maraming pagkakataon nina James Rodríguez, Luis Díaz, at Jhon Arias, ngunit sunod-sunod na napigilan ng mahusay na depensa at goalkeeping ng DR Congo.
May ilang banta rin ang African side sa pamamagitan nina Edo Kayembe, Cedric Bakambu, at Yoane Wissa, ngunit kulang sa finishing.
Sa kabuuan, umabot sa 15 shots ang Colombia bago mag-break, at patuloy ang pressure nila hanggang sa makuha ang panalo.
Dahil sa resulta, umabot na sa 6 puntos ang Colombia sa dalawang laro at sigurado na ang kanilang pag-usad sa knockout stage, habang nananatiling may 1 puntos ang DR Congo at kailangang manalo sa susunod nilang laban para manatiling buhay ang tsansa.
