--Ads--
Agkurkurang dagiti trained staff, operational partners ken pondo para iti pannakattaming ti sakit nga Ebola virus sadiay Democratic Republic of Congo.
Sigun iti World Health Organization (WHO), daytoy ti kangrunaan a karit a sangsangwenda iti panagregget dagitoy kontra iti nasao a sakit.
Innayon ti ahensiya a nagwaras ti virus iti ruar ti Bunia a nangapiktar iti innem a probinsiya.
Maibasar iti datos, dumanunen iti 3,175 dagiti pimmusay bayat nga agrup 6,000 dagiti naimpektaran.
Sigun kadagiti maseknan nga otoridad, daytoy ti kadaksan nga epidemia sadiay pagilian a Congo.
Agtultuloy metlaeng nga agsaksaknap ti nasao a sakit iti northeast ti nasao a pagilian.
