Tubtubngaren ti ginasgasot a residente sadiay Kenya ti panggep ti Estadus Unidos a mangipasdek iti Ebola quarantine facility iti maysa a military base dagitoy iti maysa a central town ti nasao a pagilian.
Maaramat ti pasilidad a temporaryo a pagnaedan dagiti soldado ti Amerika nga asymptomatic iti nasao a sakit.
Sigun kadagiti maseknan nga otoridad, ginasgasot a Kenyans ti nagprotesta, sumagmamano nga aldaw kalpasan nga imbilin ti High Court iti gobierno a temporario a masuspender ti plano.
Imbilin ti korte ti temporario a pannakasuspender idi Biernes gapu kadagiti reklamo a mangikalintegan a ti pannakaibangon ti pasilidad iti US military base idiay Nanyuki ket mangitunda iti peggad ti salun-at ti publiko.
Sigun iti maysa nga organizer ti protesta a ni Patrick Wahome, kayatda nga agnanayon a mairikep ti health facility inton Hunio 9, 2026.
Innayonna a bassit a lugar ti Nanyuki ken no adda ti asinoman a maakaran iti Ebola virus ket maimpektaran metlaeng amin dagitoy.//mp4
