--Ads--
Inwaragawag ti World Health Organization (WHO) a dumanon iti nasurok 900 dagiti suspected case ti sakit nga Ebola virus sadiay Democratic Republic of the Congo.
Karaman iti nasao a datos dagiti 101 a kompirmado a kaso.
Iti kaudian a datos, dumanon iti 204 dagiti pimmusay iti probinsia ti central African country.
Immuna metten a naideklara ti Ebola outbreak sadiay pagilian a Congo idi May 15, 2026 gapu iti Bundibugyo strain ti nasao a sakit.
Sigun kadagiti maseknan nga otoridad, awan paylaeng ti naaprobaran nga bakuna wenno agas daytoy.
Kabayatanna, immuna a nagballaag ti health agency ti African Union a posible a maakaran iti nasao a sakit dagiti asideg a pagilian sadiay Africa.
