BAGUIO CITY – Manarimaan ti imbestigasyon dagiti maseknan nga otoridad para iti panakakemmeg ti 23-anyos a suspek a nagtakaw iti kwarta ti 42-anyos a kadwana metlaeng idiay San Carlos Heights, Barangay Irisan, Baguio City.
Maibasar iti inisyal nga imbestigasyon dagiti otoridad, nag-iinom dagitoy kadwada ti maysa pay a lalaki iti nasao metlaeng a lugar.
Nagsapol ti suspek ti charger nu sadino kinuna ti biktima a mapanda alaeng iti pagtaenganna tapno makaawid metlaeng daytoy.
Sakbay a binirok ti biktima ti charger, imbatina iti sofa ti belt bagna a naglaon ti wallet.
Nupay kasta, idi nagsubli daytoy, nakitana a nakatugawen ti suspek iti sofa ken kaabayna ti belt bag daytoy.
Dagus met a pimmanaw ti suspek idi inyawat ti biktima ti charger.
Kalpasan ti sumagmamano a minutos, sinublian ti biktima ti bagna ken ditoyen a naduktalanna a mapukpukaw ti walletna.
Nabirokanna ti wallet iti baba ti sofa ngem awanen ti P9,000 a kwartana.
Dagus a binirok ti biktima ti suspek ngem pimmanawen daytoy.
