Nangipablaak ti Chines Embassy ti opisyal nga statement dagitoy maipanggep iti resolusyon ti Kalayaan Municipal Council idiay Palawan.
Iti nasao a resolusyon, naideklara kas persona non-grata idiay Kalayaan Island Group (KIG) ti Chinese Ambassador.
Kas sungbat, maibasar iti impablaak ti nasao nga embahada, dagiti indibidwal a nagpirma ken adda pakainaiganna iti panangipila ti nasao a resolusyon ket na-ban wenno saanen a makauneg iti pagilian a China, pakairamanan ti HongKong ken Macau.
Karaman kadagiti ninaganan ti embahada ket da Beltzasar S. Alindogan, Maurice Phillip Alexis S. Albayda, Nonelon B. Balbontin, Nonie C. Gapuz, Roberto M. Asiado, Hubert B. Llavan, Francis P. Polizon, Marilou S. Vales, Monico A. Abogado, Eugenio B. Bito-onon, Hermoso A. Ornopia, Tracylie Shierjun R. Malabayabas, Arzel E. Belidan, Vicencio R. Milan, Allan D. Dellosa, ken Mary Cristina J. Lagrosa.
Ti panangiruwar ti nasao nga embahada iti nasao nga statement ket gapu iti agtultuloy a tensyon iti nagbaetan ti Pilipinas ken China maipanggep iti West Philippine Sea, partikular idiay Kalayaan Island Group. // Bombo Karen Calpoe Sapirao
