--Ads--
Nasarakan dagiti otoridad ita nga aldaw ti agarup innem nga indibidual, nga awanan biag iti maysa a hotel sadiay Bangkok, Thailand, sigun kadagiti maseknan nga otoridad iti nasao a lugar.
Nabigbig dagiti biktima a Vietnam nationals, nu sadino immunan a naipablaak a pimmusay dagitoy gapu iti pammaltog.
Nupay kasta, dagus nga inwaksi daytoy ti maysa a police official, kalpasan nga awan ti nasarakan dagitoy a kita ti pammaltog iti bagi dagiti biktima.
Iti agdama, manarimaan ti imbestigasion dagiti maseknan nga otoridad iti nasao a lugar iti rason iti ipupusay dagiti biktima ken para iti kanayunan a pakabigbigan dagitoy.
