--Ads--
Dumanonen iti innem a pulo nga indibidual ti pimmusay bayat nga pito pulo ti mapukpukaw gapu iti napasaran a napigsa a panagtudo ken panaglayos idiay Brazil.
Sigun iti Civil Defense Agency, agarup 25,000 a residente ti nagbakwit bayat a minil-milyon nga indibidual ti naawanan ti danum ken kuryente.
Malaksid iti dayta, nadadael pay dagiti kalsada ken dagiti rangtay kadagiti sumagmamano a paset ti nasao a pagilian.
Nangitunda pay daytoy ti panagcollapse ti dam sadiay a nangitunda iti nakaro a panaglayos ken panagreggaay ti daga.
Kabayatanna, nagballaag dagiti otoridad sadiay, agsipud ta adda ti posibilidadna nga agcollapse pay ti maysa a dam gapu iti agtultuloy a panagngato ti lebel ti danum daytoy.
