Impeksa ti 18-anyos a naklaat daytoy idi nagun-odna ti arapaapna a korona.
Iti exclusive interview ti Bombo Radyo Baguio kenni Loriegel L. Bigwil, ti baro a Ms. CARASUC 2024, inaklon nga awan ti kimpiansana iti bukodna a bagi ngem dakkel ti panagyamanna gaputa nabaelanna ti nasao a pasalip.
Sigun kenkuana, adu dagiti insecurities daytoy tapno saanna nga ituloy ti kompetision ngem impaayna latta ti kabaelanna.
“Of course po, tao din naman ako. I feel insecurities, one of them is that, my skin is not really perfect…Marami akong scars, pimples, blackheads, and I do not have a sexy, slim body especially na pageant po ang sinasalihan ko”, kinunana.
Patien ni Bigwil a maysa kadagiti naidumduma kenkuana kadagiti kalabanna ket ti koneksionna kadagiti tattao bayat nga adda daytoy iti rabaw ti stage ken ti “confidence” daytoy.
Sakbay ti nasao a kompetision, nagsanay paylaeng ni Bigwil ti pasarela walk, question and answer sessions, make-up sessions ken ti panagtrainingna iti taekwondo.
Innem a kandidata ti nakipaset ken nagserbi a kalaban ni Bigwil.
Inaklon ni Bigwil a maysa kadagiti narigat a nakalabanna ket ti pambato ti Benguet State University gaputa makapa-intimadate ti kinapintas daytoy.
Kabayatanna, imbinglay ti first year student a maysa a karit a napasaranna sakbay ti pasalip ket ti schedule daytoy gaputa saanna a maibalanse a nalaing ti orasna.
“Of course po. Life is not perfect kaya madaming challenges such as ‘yong pagsasabay-sabay nga ng trainings ko for pageant and ‘yong taekwondo…Isa pa, is yung mga performance namin for the dance crew. Kaya ‘yong schedule ko ang pinaka main problem talaga.” kinunana idi nadamag nu anya dagiti karit a napasaranna sakbay wenno kalpasan ti kompetision.
Nu pay kasta, inkagumaanna latta a nagsanay nangruna iti “free time” daytoy ken pannakilaylayon ti orasna iti agingga alas onse ti rabii.
“During free time, I try to train as much as I can. Sa ibang oras ko naman po, nag-oovertime talaga ako hanggang 11 PM and I exceeded sometime ng 3 AM, nagpa-practice pa po ako”, kinunana.
“I was able to get the Best in Regional Attire, Queen of the ramp and Ms. Congeniality,” imbinglayna idi nadamag daytoy nu anya pay dagiti minor ken major awards a nagun-odna bayat ti kompetision.
Kabayatanna, pinagyaman ni Bigwil dagiti amin a nagsuporta nangruna dagiti nagpukkaw bayat ti pasalip agingga a nalpas daytoy.
Iti agdama, panggep ni Bigwil nga agpokus iti kursuna ken ti career-na.
