Kinompirmar ti PNP-Criminal Investigation and Detection Group (PNP-CIDG) a konektado ti insidente ti pammaltog iti Senado ken ti maatap a managlibas ni Senator Ronald “Bato dela Rosa.
Sigun kenni CIDG chief Police Major General Robert Morico II, konektado ti dua nga insidente.
Nupay kasta, kinunana a makaammo ti Department of Justice (DOJ) iti imbestigasion ken saanana a kayat nga un-unaan dagitoy.
Karaman iti maim-imbestigaran dagiti agarup innem a tattao, pakairamanan ni Senador Robin Padilla.
Kabayatanna, nagkedked ni Morico a mangipaay iti konklusion no ti pammaltog iti Senado ket naaramid wenno naigagara tapno makalibas ni Dela Rosa iti Senado.
Maipalagip a sakbay ti insidente, kinumpirmar ti International Criminal Court (ICC) a nangipaulogda iti arrest warrant kontra ken ni Dela Rosa gapu iti maatap a pakainaiganna iti pammapatay ti war on drugs kabayatan ti Duterte administration.
