Impetteng ti Bureau Of Fire Protection-Baguio a ti panagbaba ti fire incidents idi 2025 ket gapu iti panagregget metlaeng ti komunidad a maliklikan ti uram.
Maibasar iti report ti nasao nga ahensia, dumanon iti 96 ti nailista nga insidente ti uram idi 2024, nangatngato no idilig iti 66 nga insidente ti uram idi 2025.
Sigun kenni Fire Superintendent Mark Anthony Dangatan, City firemarshal ti Baguio – BFP, bimmaba iti P37 million ti gatad ti danyos idi 2025 no sadino, nababbaba no idilig iti P 57 million idi 2024.
Impetteng ni Dangatan a ti panagbaba ti insidente ti uram ket gapu iti community empowerment wenno ti agtultuloy a panangipatungpal dagitoy iti firedrills; pannakabukel ti fire axuliary groups kadagiti babarangay iti siudad; panagaranat iti social media para ti ad-adda a napalawa nga information dissemination; panangipatungpalda iti regular inspection iti compliance dagiti pagadalan, government offices ken daduma pay.
Malaksid iti dayta, nakatulong metlaeng ti strategic planning nangruna iti operational readiness ken community active cooperation.//via Bombo Noveh Organo
