Nangiyuswat ti Iran iti nagsasaruno a missile attack kontra iti Israel, sigun iti Israeli military, a nangitunda iti air raid sirens kadagiti lugar a kas iti Tel Aviv.
Adda dagiti balay ti napirdi, ngem awan ti naipadamag a pimmusay.
Kabayatanna, sigun kenni United States President Donal Trump nga intantanna paylaeng ti panggepna a panagatake iti power grid ti Iran kalpasan a mapapati a naaddaan iti produktibo a panagsarita. Ngem pinaglibakan daytoy iti Iran, ken inawaganda a “fake news.”
Nagballaag metlaeng ti Iran iti baro a panagatake kontra kadagiti puntiria iti Estados Unidos bayat nga agtaltalined a tensionado ti kasasaad iti rehion.
Naapektaran metlaeng ti global market, nangruna iti lana, gapu iti pangta iti Strait of Hormuz—maysa a napateg a ruta iti suplay iti enerhiya iti lubong.
