Pimmusayen ni Jason Collins, ti sigud nga NBA player a nagbalin a kaunaan a bakla nga atleta a nagay-ayam iti maysa a major professional sports league idiay Amerika.
Daytoy ket agtawen iti 47 ken pimmusay kalpasan a nakibalubal iti brain cancer a “glioblastoma.”
Iti nairuar nga statement iti pamiliana, kinunada a nagbalin nga inspirasion ni Collins iti kaaduan gapu iti tured ken nasayaat nga impluensia iti uneg ken ruar ti basketball court.
Idi napalabas a tawen, imbinglay ni Collins a daytoy ket nagpaagas para iti napartak a dumakdakkel a brain tumor.
Naipasidong daytoy iti radiation, chemotherapy, ken dadduma pay a treatment idiay Singapore iti tulong ti asawana a ni Brunson Green ken ti pamiliana.
Nagreturo ni Collins idi tawen 2014 kalpasan ti sangapulo ket tallo a tawen a karerana iti NBA nu sadinno nagay-ayam isuna para iti Brooklyn Nets, Memphis Grizzlies, Minnesota Timberwolves, Atlanta Hawks, ken Boston Celtics.
Idi tawen 2013, imbutaktakna ti sekswalidadna iti maysa nga artikulo iti Sports Illustrated ken nagbalin a simbolo iti inclusivity iti sports.
Sigun kenni Adam Silver, malaglagip ni Collins saan laeng iti panangburakna iti lapped iti sports nu diket kasta metten iti kinaimbagna ken panagbalinna nga inspirasion iti sumaruno a henerasion.
