BAGUIO CITY – Imbinglay ti pannakabagi ti liga dagiti asosasyon iti La Trinidad Vegetable Trading Post ti rason ti ingingato ti presyo dagiti nateng ita a panawen ti panagtutudo wenno nepnep.
Inaklon ni Agot Balanoy a nginmato ti presyo ti nateng iti Benguet Agri Pinoy Trading Center wenno BAPTC gapu ti panagbaba ti suplay ti nateng iti probinsia ti Benguet gapu iti panakadadael dagiti nateng nga intunda ti agdama a sasaaden ti panawen.
Malaksid iti daytoy, marigatan dagiti mannalon iti panangiturongda kadagiti apitda a nateng iti trading centers gapu iti panakaiserra ti nagduduma a farm-to-market roads gapu iti panagregaay nga ituntunda ti nepnep.
Sadiay BAPTC, agay-ayam ti presyo ti repolyo iti P40 agingga P43 depende ity klase bayata a ti chinese cabbage wenno wombok ket P15 -P25; carrot a P18 – P30, brocolli a P20-P60 ken patatas a P28-P34 depende iti klase.
Kabayatanna, impagantget met ni Balanoy nga kaaduan wenno amin met kadagiti presyo ket above cost of production a benepisyo met kadagiti mannalon.
Innayonna a napimpintas ita ti presyo dagiti nateng no idilig kadagiti napalpalabas a bulan isu’t gapuna a makasubsubbot ita dagiti sumagmamano a mannalon iti probinsia ti Benguet.
Nupay kasta, dakkel a pakaseknan ita ti probinsia dagiti sumagmamano mannalon maap-apektaran iti mapaspasaran a nepnep no sadino ado dagiti mula a nadadael f gapu iti kalamidad.
