BAGUIO CITY – Nailista ita a tawen ti kaaduan a bilang ti nakipartisipar iti Grand Floral Float Parade nu idilig iti napalabas a panakarambak ti Panagbenga Festival.
Iti panakiuman ti Bombo Radyo kenni Andrew Pinero, panakangiwat ti Baguio Flower Festival Foundation Inc. (BFFFI), impettengna a simmayaat pay dagiti performances dagiti amin a perfomers.
Impannakelna pay a fresh amin dagiti naaramat a sabong manipud iti Benguet nu sadino pakaragsakanna met gapu ta nakatulongda kadagiti mannalon ti sabong iti nasao a probinsiya.
Inapresyar pay ni Pinero dagiti amin a performers iti nagkakapintas a pabuya dagitoy a napnuan enerhia ken namaris a badbado ken props dagitoy.
Kabayatanna, impasiguradona a manamnama ti panakapasayaat pay dagitoy kadagiti sumaruno pay a tawen.
Malaksid iti dayta, panggepda a mangipaay ti dakkel a gungguna tapno ad-adda a saysayataen ken papintasenda pay dagiti performancesda iti sumarsaruno.
Kabayatanna, maragsakan met dagiti accommodation sectors gapu iti isasangbay ti adu a bilang dagiti turista a mangipasimudaag iti panagrekober ti siudad iti kallepas a pandemya.
Kabayatanna, pormalen a naglukat ti session road in Bloom ita nga aldaw.
Gapu iti dayta, nagballag ti nasao nga opisyal iti publiko a saan kuma dagitoy a mangitugot ti dadakkel ti gatad ti kwarta no agturongda iti Session Road in Bloom.
Malaksid iti dayta, maipalpalagip ti umno a panangibelleng kadagiti basura.//Bombo Marielle Apat
