PHILIPPINES – “Agtultuloy nga aramiden ti Pilipinas ti kabaelanna tapno maidepensar ti maritime territory iti baet dagiti Chinese incursions iti West Philippine Sea (WPS).”
Daytoy ti impasingkedan ni President Ferdinand R. Marcos Jr. kasaruno daytoy ti panangidagadag ni Chinese President Xi Jinping kadagiti armed forces-na a makikoordinarda para iti posible pay a susik iti nasao a baybay.
Impettengna a saanen a baro ti waragawag ni Xi nu sadino daytoy ti polisiya ti China idi napalabas a dua agingga tallo a tawen.
“So, I’m not surprised, but we will have to continue to do what we can to defend our maritime territory in the face of perhaps a more active attempt by the Chinese to annex some of our territory,” Marcos said.
Iti agdama, agtultuloy ti nainget a security cooperation ti Pilipinas babaen iti koordinasyon ti United States ken Japan iti baet dagiti mapaspasamak a tension iti West Philippine Sea ken harrassments kadagiti Philippine Coast Guard personnel ken mangngalap sadiay.
Manamnama met a makisinnarak ni President Marcos Jr. kenni Secretary of State Anthony Blinken para iti kooperasyon ken security matters inton March 19.
