BAGUIO CITY – Mamati ti Baguio City Police Office (BCPO) a mapatibker pay ti relasyonda iti Muslim Community ken dadduma pay a tribu wenno puli ditoy siudad ti Baguio babaen ti ‘Keep All Baguio Safe and Thriving’ (KABSAT) Progam.
Sigun kenni BCPO acting city director Police Colonel Allen Rae Co, ikalikagumda a maiyusuat ti KABSAT Program tapno mapatibker ti relasyon ti pulisya kadagiti dadduma a tribu wenno puli iti siudad.
Innayona a maysa nga adbokasiyada ti prorama ti panagnaed, panagtrabaho ken panagnegosyo dagiti dadduma a tribu wenno puli ditoy siudad nga awan ti mapasaran dagitoy a diskriminasyon ken ti panangsuportada kadagiti amin nga aktibidad dagiti Muslim.
Binukel ti BCPO ti KABSAT Program tapno maipakita ti panagkaykaysa dagiti amin nga umili iti baet nga agsasabali a puli, lugar, sekta ken relihiyon ti nagtaudan dagitoy. (-with Bombo Maureen Bassit)
