Pimmusay ti maysa a kadete iti maritime academy idiay Calamba City, Laguna, kalpasan nga impaayan daytoy iti Senior Officerda iti pannusa gapu iti inaramid daytoy a panaglabsing.
Maibasar iti inisyal nga imbestigasion ti Philippine National Police Regional Office 4-A, binilin ti suspek ti nasao a kadete nga agaramid ti pisikal nga aktibidad kas dusa.
Nupay kasta, narigatan daytoy a nakaanges sakbay a naawanan iti puot.
Maibasar pay iti imbestigasion dagiti maseknan nga otoridad, kalkalpas ti “evening chow” wenno pangrabii ti biktima idi napasamak ti nasao nga insidente.
Dagus a naitaray ti biktima iti pagagasan ngem naideklara metlaeng daytoy a dead on arrival.
Iti agdama, adda itan ti suspek iti kostudiya dagiti otoridad para iti imbestigasyon ken umno a disposision sakbay a maipaima iti korte.
