Mapampanggep a maileppas ti track oval sadiay Athletic bowl intun Nobiembre 2026.
Sigun kenni Mayor Benjamin Magalong, naitantan daytoy iti agarup dua a bulan gapu iti panagtudtudo.
Inlawlawag ti mayor nga imbalakad ti consultant manipud ibang bansa ken ti Philippine Sports Commission a saan paylaeng a mabalin nga maikarga ti pavement agsipudta kasapulan a mamagaan a nasyaaat ti daga.
Nupay kasta, nangrugin ti pannakarehab ti track oval, tennis court ken granstand.
Innayun ti opisyal a nangrugi metlaeng ti pannaka-aramid ti youth convergence.
Maaramid nga umuna ti 1 agingga 3rd floor kalpasan ti dayta ket maadaan iti kanayunan a pondo para ti 4th ken 5th floor.
Kabayatanna, impeksa ni Magalong a dandani a malpas ti athlete quarters kasta metlaeng ti wall climbing.
Inlawlawagna a numan pay kayat dagitoy nga aramiden nga artificial grass ti football field tapnu agbalin nga standard ngem saan a mabalin gaputa adda dagiti field events a maipatungpal kas iti shotput, javelin ken daduma pay a mangdadael iti artificial grass.
Kabayatanna, panggep ti lokal a gobierno ti siudad nga aghost iti CARAA iti kanito a malpas ti rehabilitasyon ti athletic bowl.
Sigun kenni magalong, sakbay kuma a malpas ti termino daytoy ket makapaghost ti siudad iti CARAA.
Inlawlawag ti Mayor nga adu pay dagiti nasken a maurnos iti Burnham lake a kas iti bleachers ken dadduma pay iti baet a nailukat daytoy iti publiko.
Sigun kenkuana, adu dagiti defect a nakitana kasta metlaeng kenni Mark Lapid Chief Operating office ti TIEZA.
Innayun daytoy a saanda pay nga akseptaren ti proyekto agingga a saan a natarimaan dagiti nasken a matarimaan.//via Bombo Noveh Organo
