BAGUIO CITY- Mangnamnama ti maysa a kagawad ti St. Joseph Village iti Baguio City iti nalawag a direktiba seknan ti panagikkat dagiti campaign posters wenno tarpaulins.
Iti interview ti Bombo Radyo Baguio kenni Kagawad Paul Pasigon ti Brgy. St Joseph Village, kinunana a nadismaya ken saana a nagostoan ti pamutbuteng kenkuana ti dua nga agtutubo nga aktibista.
Imbinglayna a nagturong dagiti dua iti barangay hall itay nabiit ken kiniddawda a maikkat ti tarpaulin a mangpakpakdaar iti publiko nangruna kadagiti agtutubi a saan nga apa-allilaw kadagiti progresibo a a grupo a maatap nga agrec-recruit kadagiti agbalin a kameng ti grupoda ken ti New Peoples Army .
Nagpangta pay dagiti dua a maireklamo dagitoy iti contempt ken anti-red tagging nu saanda nga ikkaten ti nasao nga tarpaulin.
Sigun kenkuana, nagpaka-ammo pay kas miembro ti Alliance of Concerned Students dagiti dua ken naka-imetda iti dokumento kas pamaneknek kadagiti pamutbutengda.
Impeksa met ni kagawad Pasigon nga awanda iti otoridad tapnu ikkaten ti tarpaulin malaksid nu ibilin ti lokal a gobierno wenno mismo ti ahensia.
Malaksid kenni Pasigon, napabutngan metlaeng ti maysa a kadwada partikular ti naidesignar nga officer of the day idi napasamak ti insidente,.
Inyunay-unayna a nu mabalbalin koma ket adda ti nalawag wenno pammilin nga agtaud iti lokal a gobierno sakbayda nga ipatungpal ti panagikkat kadagiti tarpaulins nangruna a saan dagitoy nga otorisado.
Iti udina, kinuna ni Kgwd. Pasigon a saana a pilaan ti kaso dagiti dua ngem mangnamnama dayto a awanen ti kapada nga insidente a mapasamak nangruna ta mabalin met a saan pay a dumanon iti pamutbuteng nu adda man dagiti kasapulan a maipatungpal wenno maaramid nangruna nu pammilin ti gobierno.
