Ad-adalen paylaeng ti City Government ti kalsada a pakaseknan dagiti umili sadiay Guisad Surong, Baguio kalpasan a nagatang daytoy.
Iti pannakiuman ti Bombo Radyo kenni Councilor Rocky Aliping- ABC President iti siudad ti Baguio, kinunana a manarimaan ti pannakisarita dagitoy iti gimmatang ti nasao a kalsada a pagpagnaan dagiti umili sadiay tapno mailukat manen daytoy iti publiko.
Sigun kenkuana, naberipikar nga addaan iti fencing permit ti nasao a lote iti baet a kalsada daytoy a pagpagnaan dagiti umili.
Kinunana a nakaala daytoy iti fencing permit agsipud ta awan iti provisiong iti tax mapping a paset daytoy ti road right of way.
Malaksid iti dayta, inaklonna pay nga adda ti kamali ti gobierno agsipud ta nangipaay dagitoy iti fencing permit a saanda pay a nagaramid iti daddamu nga alternate route.
Nupay kasta, namnamaenna a masolusyonan daytoyen a pakaseknan dagiti umili.
