BAGUIO CITY -Agtultuloy ti nainget a kampanya ti population commission wenno pop-com kontra iti teen-age pregnancy.
Daytoy ket kalpasan a ngimmato iti 46% ti kaso ti teenage pregnancy wenno panagsikog dagiti menor-de-edad ditoy rehiyon Cordillera idi napalabas a tawen no idilig idi 2019.
Maipalagip a sigun iti datus ti Commission on Population and Development (PopCom) – Cordillera, nasurok 2,400 ti bilang dagiti agtutubo a nagpasngay idi napalabas a tawen a nangatngato no idilig iti nasurok 1,600 idi 2019.
Kinuna ni PopCom-Cordillera regional director Magdalena Abellera a nailista iti Baguio City ti kangatuan a kaso ti teenage pregnancy a sinaruno ti Mountain Province, Abra, Apayao, Benguet, Ifugao ken Kalinga.
Dinakamatna nga 11-anyos ti kaubingan a teenage mother ditoy rehion a sinaruno ti 12-anyos.
Innayonna pay nga adda metlaeng dagiti agtutubo a nakiasawa iti adayo a natataengan no dagitoy iti sangapulo agingga sangapulo ket lima a tawen.
