Panggep iti kamp ni Atty. Manases Carpio, asawa ni Vice President Sara Duterte, nga ipila manen iti Office of the Ombudsman ti reklamo nga impilana kontra iti sumagmamano a mammanday-linteg ken dadduma pay nga opisial iti gobierno seknan iti panangibutaktak iti bank records da.
Daytoy ket kalpasan nga imbasura iti Quezon City Prosecutor’s Office ti reklamo gaputa insayangkat dagiti respondent ti nasao a tignay kas pagrebbenganda iti gobierno.
Sigun kenni Atty. Peter Paul Danao, abogado ni Carpio, “without prejudice” ti dismissal ken nakabasar daytoy iti kinaawan iti hurisdiksyon, saan a merito iti reklamo.
Kinuna ni Danao nga amin a remedyo ket aramiden ni Carpio, karaman ti panangipila manen iti reklamo iti Ombudsman nga imbilang iti prosecutor’s office a nasayaat a forum.
Kabayatanna, karaman kadagiti alegasion iti impeachment case kontra kenni Vice President Duterte ti panagurnong iti saan a mailawlawag a kinabaknang.
Panggep iti House prosecution panel nga aramaten kas ebidensia iti Article 2 ti bank accounts da Duterte ken Carpio.
