Nakikaykaysa ti kampo ni Vice President Sara Duterte ken ti House prosecution panel iti maysa a pre-impeachment trial conference kas panagsagana iti umadanin nga impeachment trial iti Senado.
Naisayangkat a saan a nakalukat iti publiko ken media ti panagtaripnong, a nagserbi nga umuna a panagtaripnong iti dua a benneg sakbay a pormal a mabukel ti impeachment court iti panangidaulo dagiti senator-judges.
Sigun kenni Atty. Michael Poa, pannakangiwat iti legal team ni Duterte, panggep iti pre-trial a siguraduen nga agbalin a nasayaat ken organisado ti panagdengngeg iti kaso.
Nakipaset metlaeng iti panagtaripnong ti House prosecution team nga indauloan ni Batangas Rep. Gerville Luistro, kadua dagiti pribado a prosecutro a pakairamanan ni Atty. Lorna Kapunan.
Indauloan met ti umuna a conferenece da Senate Secretary ken Clerk of Court Renato Bantug Jr., kadua da Deputy Clerks of Court Marivic Laurel-Garcia ken Maria Valentina Cruz.
Idi Mayo, pormal nga inaprobaran iti majority iti Kamara ti impeachment complaint kontra kenni Duterte.
Karaman kadagiti alegasion ti korapsyon ken mapapati a panggep kontra kenni PBBM, a sigud a kaalyado iti Bise Presidente.
