BAGUIO CITY – Indeklara Philippine Drug Enforcement Agency (PDEA) – Cordillera a certified drug-cleared barangay ti kanayonan a lima a barangay iti rehiyon manipud iti panaka-apektar dagitoy iti iligal a droga.
Resulta daytoy ti clearing program and validation nga insayangkat ti nasao nga ahensiya ita a bulan a nangkumpirmar a nadalusanen dagiti nasao a barangay manipud iti iligal a droga.
Iti kaudian a datus, 1,177 a barangay iti rehiyon ti balligi a nasukimat, 746 ti naideklara a drug-cleared barangay ken 361 ti naideklara a drug-unaffected.
Gapu iti dayta, bimmaba iti 70 ti pakabuklan a bilang dagiti barangay nga agtaltalinaed nga apektado iti iligal a droga, 33 a barangay ket masarakan sadiay Abra, 6 sadiay Apayao, 14 sadiay Baguio City, 5 sadiay Benguet, 2 sadiay Ifugao ken 10 sadiay Kalinga.
Inlawlawag ni PDEA-Cordillera Information Officer III Rosel Sarmiento a dagiti agtaltalinaed a drug-affected barangay ket addaan paylaeng ti presensia dagiti mabambantayan a drug personalities ken dadduma kadagitoy ket saan a nangisumitir ti application folder.
