BAGUIO CITY – Nailista iti probinsya ti Apayao ti kangatuan a kaso ti dengue iti rehiyon Cordillera para iti umuna nga innem a bulan iti tawen 2022.
Maibasar iti datos ti Department of Health (DOH) Cordillera, dumanon iti 712 a kaso ti nailista ti Apayao manipod Enero 1 agingga Hunyo 4 iti agdama a tawen
Nangatngato daytoy iti 5,375% nu idilig iti 15 a kaso a nailista iti kapada a panawen idi tawen 2021
Kabayatanna, rumrumwar pay iti datos ti ahensya a nailista ti probinsya ti Benguet a maikadwa a nakailista ti kangatuan a kaso ti denggue a dumanon iti 665, nangatngato iti 135% nu idilig iti 297 a kaso a nailista sadiay idi tawen 2021
Nailista met iti probinsya ti Kalinga ti 415 a kaso; Abra a 14 cases; Ifugao a 164; Mountain Province a 78; ken Baguio City a 264 cases.
