Nainget ita a bambantayan iti Pilipinas ti kasasaad dagiti Pilipino idiay Venezuela kasaruno ti naipakaammo a panangipatungpal iti operasyon militar ti pwersa iti Estados Unidos ken panangarestarda iti presidente daytoy a ni Nicolás Maduro.
Sigun kenni Department of Foreign Affairs(DFA)Spokesperson Angelica Escalona, kidkiddawenda iti amin a benneg ti panagkikinnappia dagitoy ken panangliklik kadagiti solusyon a mabalin a mangpakaro iti tension iti rehion.
Kagiddan dayta, nagpalagip met ti embahada ti Pilipinas kadagiti Pilipino nga agtalinaed dagitoy nga alerto ken mangsarakda kadagiti natalged a lugar a mabalinda a pagkamangan iti kanito a kumaro ti sitwasyon.
Iti datos ti DFA, adda ti pakabuklan a 74 a Pilipino nga agnanaed ken mangmangged ita idiay Venezuela.
