Manamnama a mangipila ti Cybercrime Investigation and Coordinating Center (CICC) iti reklamo kontra kadagiti erring entities ken dagiti free agents-da a pimmalya para kadagiti rinib-ribu nga unregistered Subscriber Identity Module (SIM) cards.
Sigun kadakuada dagiti saan a nairehistro a SIM cards ket isu ti maar-aramay a tapno makaawatda kadagiti online bank transaction messages ken dadduma pay.
Gapu iti daytoy, inyebkas ni Cybercrime Investigation and Coordinating Center Executive Director Alexander K. Ramos a nasken a maaksyunan agsipud ta rinumwar iti agtultuloy nga imbestigasyon a maar-aramat dagiti saan a nairehistro a sim cards tapno mangloko iti dadduma.
Kinuna a daytoy ti gundaway tapno aksyunan dagiti maseknan nga ahensya dagitoy tapno maliklikan ti mascam ken dadduma pay.
Kabayatanna, maipalagip nga immunan a naidagadag daytoy kadagiti maseknan nga ahensya nupay kasta adda latta dagiti maaw-awat dagiti dadduma a text scam.
Umap-apela met ti Cybercrime Investigation and Coordinating Center kadagiti biktima iti text scams ken dadduma a cybercrimes a tumawag laeng iti Inter-Agency Response Center hotline.//Rose
