In-archived ti Sandiganbayan ti criminal case kontra kenni sigud a congressman ken pugante a ni Elizady “Zaldy”Co.
Inkeddeng ti korte nga i-archived ti kaso ni Co agsipudta agtaltalinaed a mabirbiruk, innem a bulanen kalpasan a naipaulog ti arrest warrant.
Malaksid iti dayta, insubmitir metlaeng ti National Bureau of Investigation (NBI) ti pannakaisubli ti Warrant kalpasan a saanda a mabiruk ni Co kadagiti lokasion a nakalanad iti dokumento.
Inlawlawag ni Integrated Bar of the Philippines (IBP) National President Atty. Allan Panolong a ti pannaka-archive ti maysa a kaso ket sanna a kayat a sawen a ma-dismiss daytoy.
Iti kanito a maarestar ken sumuko ni Co kadagiti otoridad, maluktan manen ti kaso ken maituding ti trial.
Nangipila ti Office of the Ombudsman iti kaso a graft kontra ken ni Co idi Nobiembre 2025, gapu iti maipagarup a naanomalyaan a P289-million a dike flood control project sadiay Oriental Mindoro.
Sigun iti Ombudsman a nabigbig ni Co a makinkukua iti Sunwest Incorporated, maysa kadagiti kontraktor dagiti naanomalyaan a proyekto ti gobierno.
