Impakaamo ti Department of Health a ngimmato ti kaso ti acute coronary syndrome (ACS).
Maibasar iti datos, manipod iti dua idi bulan ti Disiembre baente dos ngimmato daytoy nu sadinno nagbalin a pito pulo ket uppat idi Enero a dos.
Maysa a pasiente ti naireport a pimmusay gapu iti acute coronary syndrome—maysa a kasasaad a mainaig iti kellaat a panagbalbaliw ti panagayus ti dara iti puso.
Immadu metlaeng ti kaso ti bronchial asthma kadagiti sentinel sites ti DOH manipud innem idi Disiembre 22, agingga iti 80 idi Enero 2.
Kaaduan kadagiti kaso ket ubbing nga agtawen iti 0 agingga iti 9.
Uppat a pulo ket innem a kaso ti bronchial asthma ti nairekord iti Philippine General Hospital (PGH), bayat a sangapulo ket maysa manipod iti Tondo Medical Center.
Gapu iti dayta, nagpalagip ni Health Secretary Ted Herbosa.
Sigun kenkuana, kasapulan a nasayaat wenno umno ti pannangan, ag-ehersisio, ken disiplina ti bagi ti aramiden tapno maliklikan dagiti sakit.
