BAGUIO CITY – Adda laengen ti maymaysa a munisipyo iti probinsya ti Benguet a saan nga apektado iti African Swine Fever (ASF) a bambantayan ti Provincial Veterinary Office.
Iti interview ti Bombo Radyo Baguio ken Benguet Prov. Veterinarian Dra. Mirriam Tiongan, agtultuloy ti panagwanawanda kadagiti hog raisers iti probinsya para iti naan anay a pannakapaksyat ken saan a panagwaras ti nasao a sakit dagiti baboy.
Mainaig iti dayta, kinunana a nairuwarda metten ti pondo para iti pannakaipaay ti assistance kadagiti hog raisers a naapektaran ti ASF manipod tawen 2020 agingga iti umuna a kwarter iti agdama a tawen
Inlawlawagna a saanda man a mabaelan a maisubli ti pakabuklan a pukaw dagiti hor raisers ngem mangnamnama dagitoy a makasubbot dagitoy babaen iti bassit nga assistance nga ipapaay ti opisinada ken iti lokal a gobierno ti Benguet
Malaksid iti dayta, kinunana nga adda metlaeng iti ipapaay ti Department of Agriculture (DA) Cordillera nga assistance kadakuada.
Kabayatanna, kinunana a dumanonen iti 20 a swine raisers ti naipaayanda ti assistance dagitoy.
