Dumanonen iti walo a kaso ti firework related injuries a nailista iti rehiyon Cordillera kas maibasar iti datos ita nga aldaw.
Daytoy ket manipod idi nangrugi ti “tracking” idi Disiembre baente uno, iti agdama a tawen.
Maipalagip a ti kaunaan kaso ti firework related injuries iti rehiyon ket nailista sadiay Sagada, Mountain Province a naipasidong iti amputation gapu iti labintador a paputok.
Iti agdama, uppat a kaso ti firework related injuries ti nailista iti siudad ti Baguio bayat a sag-dua sadiay Mountain Province ken Kalinga.
Ti panagaramat met iti boga ti kangrunaan a rason ti panakapaputok dagiti biktima bayat a lallaki dagiti kaadoan a naputokan nga agtawen iti pito agingga sangapulo ket pito.
Kabayatanna, nagpalagip ti Department of Health-Cordillera ti saan a panagaramat iti iligal a palibang, ti saan a panagpidot kadagiti saan a bemtak a palibang kasta met ti dagus a panagpakonsulta iti doktor nu naputokan tapno maliklikan ti anyaman nga inpeksyon.//Bombo Noveh Organo
