--Ads--
BAGUIO CITY – Nanayonan ti kaso ti ipupusay gapu iti COVID-19 iti rehion Cordillera kalpasan a nailista ti dua a kanayonan a kaso ti ipupusay iti Baguio City ken Abra.
Kaudian ken maikatlo a kaso ti ipupusay gapu iti COVID-19 ditoy Baguio ti 65-anyos a lalaki a residente sadiay Lower Engineer’s Hill.
Nailista met sadiay Abra ti kaunaan a kaso ti ipupusay gapu iti nasao a sakit.
Maibasar iti impormasyon, daytoy ket 85-anyos a babai, maysa nga LSI a ngatud sadiay Antipolo City ken residente ti Padangitan, Danglas Abra.
