Agtultuloy a bambantayan ti Epidemiology and surveillance unit ken ti Department of Health-Cordillera dagiti paylaeng kaso ti leptospirosis iti probinsya ti Benguet.
Gapu iti daytoy, 78% a nababbaba ti nailista-da no idilig iti rekord idi napalabas a tawen a dumanon iti tallo pulo ket pito a kaso.
Iti exclusive interview ti Bombo Radyo kenni Public Health Programs Head Dr. Cham Bacuso, Medical Specialist 1, kinunana a nakailista dagitoy iti walo a kaso ti nasao a sakit iti agdama a tawen ngem mabalin a suspek cases paylaeng dagitoy.
Sigun kenni Dr. Bacuso, adda ti tyansa a maagasan ti nagpositibo nga indibidual iti nasao sakit la ketdi nasapsapa a matakuatan daytoy rason a napateg unay nga agpacheck-up no adda man ti marikrikna a sakit.
Ti liptospirosis ket maal-ala iti infected nga isbo dagiti utot manipud kadagiti naurnong a danum,layos partikular no nagna tayo bayat ti bagyo ken dadduma pay.
Kaaduan a matamaan iti daytoy ket ti dara, isbo ken iti takki.
Kinunana a kaaduan kadagiti agsagsagrap iti nasao a sakit ket dagiti naladaw nga agpapacheck-up.
Adda met dagiti health center tunggal munisipyo ken adda dagiti ospital a mabalin a pagturungan dagiti addaan iti marikrikna a sakit tapno agpacheck-up para iti dagus a pannakaagas.
Gapu iti daytoy, inyunay-unay ti nasao a doktor ti kinapateg ti nasapa a panagpakonsulta.
