Inwaragawag ti Department of Health (DOH) a bimmaba iti 21% ti kaso ti rabies ita a tawen, no idilig idi 2024.
Maibasar iti datos manipud Enero 1 agingga Agosto 2, dumanon iti 211 a kaso ti rabies ti nailista iti intero a pagilian a Pilipinas.
Nababa daytoy no idilig iti 266 a kaso iti kapada a period idi napalabas a tawen.
Nupay kasta, inyunay-unay ni Health Secretary Teodoro Herbosa a makapapatay ti rabies a sakit, addaan iti 100% a mortalidad iti kanito a rumsua dagiti sintomas.
Iti baet dayta, impeksana a maprebentaran ti rabies babaen iti panagbakuna ngem iti kanito a rummuar ti sintomas ket makapapatay.
Kabayatanna, impablaak ti DOH a 57% kadagiti kaso ti rabies ita a tawen ti pakairamanan dagiti stray animals nga unknown ti vaccination status dagitoy.
Gapu iti dayta, nagpalagipda iti publiko a siguraduen a tinawen a mabakunaan dagiti taraken nga aso ken pusa.
