Impeksa ni Baguio City Mayor Benjamin Magalong nga alarming dagiti kaso ti vehicular traffic accident/incident iti siudad, saan laeng nga iti siudad no diket uray iti national level.
Gapu iti dayta, daytoy ti rason a maad-adal ti panakaimplementar ti 20-30 kph speed limit iti siudad ti Baguio.
Sigun kenni Mayor Magalong amin dagiti kalsada iti siudad ket maadal nu ania dagiti umno nga speed limit a maimplementar gapu ta adda dagiti sumagmamano a ruta wenno kalsada a saan nga applicable ti 20-30 kph a mabalin a mangitunda iti nabuntug a gunay ti trapiko.
Iti impormasyon a nakita ti Bombo Radyo News team strikto a maim-implementar ti maximum 20kph iti central business district area ken kadagiti kangrunaan a kalsada bayat a 30 kph met kadagiti amin nga inner roads.
Impeksa pay ti nasao a mayor a maikkan dagiti kalsada iti siudad iti signages nangruna kadagiti area a nagagalis.
Kabayatanna, manarimaan met ti procurement ti lokal a gobierno kadagiti kanayunan a camera powered ti Artificial intelligence (AI).
Kinuna ni Mayor Magalong nga iti syudad ket kaaduan a powered AI amin dagiti cameras ngem ti kapabilidadna daytoy tapnu madetect ti speed ti maysa a lugan wenno motor ket awan paylaeng.
Daytoy ti rason tapno idevelop pay dagitoy ti sistema tapnu mabaelan a madetect ti speeds dagiti motorista
Iti sabali a bangir, awan pay ti plano para iti procurement ti NCAPP ngem inlawlawag ti mayor a daytoy ket paset ti smart mobility system.
Iti agdama ti manarimaan nga iyem-implementar dagiti pulis ti king of the road ordinance.//Bombo Noveh Organo
