Naipaayan ni Apo Whang-od iti pamadayaw kas kataengan a mambabatok bayat iti founding anniversary iti Kalinga idi kalman.
Naipaay kenkuana ti ‘Natatanging yKalinga’ award manipud iti probinsya, nu sadinno maysa ni Senator Imelda Marcos kadagiti nangiyawat iti pamadayaw.
Sigun kenni Provincial Tourism Officer Lorraine Ngao-i a da Whang-od kenni Alonso Saclag Sr. ket mabigbigbig gapu iti kinadakel ti naipaayda para iti arts and culture iti pagilyan.
Maipalagip nga immuna a naipaay kenni Alonso Saclag Sr. ti isu metlaeng a pamadayaw iti napalpalabas.
Ti pamadayaw a naawat dagiti dua ket bigbigbigen met iti National and International Awarding Bodies .
Sigun kenni Ngao-i a ti nasao nga pamadayaw ket mait-ited kadagiti yKalingas a nakaipaay iti dakel a kontribusyon iti national ken international nga aspeto.
Maipalagip a ni Apo Whang-od ket mabigbigbig gapu iti panagtattoo na usar ti siit ken nangisit a tinta ken dagiti disenyo na a mangireprepsentar iti tribal community dagiti yKalingas.
Malaksid iti nasao a pamadayaw, napili metlaeng ni Apo Whang-od idi napan a tawen kas 2022 top centenarian awardee gapu iti kontribusyon na iti national culture and the arts.
Napili pay daytoy kas Philippines oldest hand-tapped tattoo artist manipud kadagiti sangapulo ket uppat nga awardee idi 2022 para iti first Hiyas Award for Indigenous Arts.
