Nagpinnirma da Danish Minister of Senior Citizens Mette Kierkgaard ken Department of Migrant Workers (DMW) Secretary Hans Leo Cacdac iti katulagan para iti inisyatiba a panakaipaay iti caregiving jobs kadagiti Pilipino idiay Denmark.
Ti Denmark ket agkaskasapulan iti 100 a Pilipino iti tunggal tawen tapno supusupan ti kurang dagiti agtrabaho para iti elderly care program daytoy.
Sigun kenni Mette Kierkgaard,ma-employ dagiti Pilipino iti kapada a kondisyon kas kadagiti makatrabahoda a Danish ken impanamnamana a saan a madiscriminate dagitoy iti pagubraanda.
Innayon ti Danish ambassador a napateg a maaddaan iti komitment ti Pilipinas ken ti Denmark seknan iti labor union.
Iti agdama,sumangsango ti nasao a pagilian iti karit gapu ta agkurang dagitoy iti agarop 24,000 nga agtrabaho iti elderly care kadagiti sumaruno a 10 a tawen.
Kabayatanna, dagiti Pilipino a maawat iti nasao a trabaho ket posible a makarugi inton 2027 gapu ta kasapulanda pay ti maipasidong iti receiving program kas iti panagadalda iti pormal a Danish language tapno makaadaptarda iti nasao a pagilian.