Napasilawan ti kaunaan a Christmas Tree a naibangon sadiay The Mansion, Baguio City idi kalman nu sadino daytoy ket nakipasetan da First Lady Liza Araneta Marcos, Mayor Bengie Magalong, Vice Mayor Faustino Olowan , DepEd Sec. Sanny Angara, sigud a DILG Sec. Benhur Abalos, ken daduma pay nga opisyales.
Ti panakaadda iti Christmas tree sadiay The Mansion ket ideya ni First Lady Marcos ken addaan daytoy iti katayag a 20 ft. ken nasabitan iti tallo pulo ket innem a parol manipud kadagiti nagduduma a pagadalan iti pagilian.
Panggep ti Christmas tree nga iparikna ti panagkablaaw ti Malacañang iti tunggal maysa ita a paskua.
Kabayatanna, naituding a maipatungpal ti panakasilaw ti Christmas tree iti nasao a lugar tunggal tawen.
Mangnamnama met ni Baguio City Mayor Benjamin Magalong nga ado a turista ti sumang-at iti siudad gapu iti panakaibangon ti kaunaan a Christmas tree iti The Mansion.
