BAGUIO CITY – Nakalukat laeng iti motor ken kadagiti residente ti kalsada a makapaspasar ti panagreggaay ti daga idiay Camp 2, Tuba, Benguet.
Iti nasao a kalsada, nakatambay dagiti jeep wenno tricycle iti end-to-end tapno mangilugan kadagiti byaheros manipud sadiay nga agturong iti siudad wenno vice versa.
Nakarikep ti kalsada iti daduma a klase ti lugan.
Maipalpalagip met kadagiti motorista a magna dagitoy kadagiti alternate route, ti Marcos Highway wenno Asin-San Pascual road.
Iti agdama, manarimaan ti panagadal ti Department of Public Works and Highways para iti aniaman nga action dagitoy seknan iti marereggaay a paset ti kalsada.
Maipalagip a naiparikep daytoy idi Setyembre 7 gapu iti panaglukay ti pundasyon ti kalsada nga intunda ti panagngato ti lebel ti danum manipud iti Bued river ken ti panagtudtudona idi napalpalabas nga aldaw.
