--Ads--
BAGUIO CITY – Naaprobaranen ti kiddaw ti lokal a gobierno ti Baguio a mapagbalin a kanayunan nga isolation area ti Baguio City National High School (BCNHS) kas aksion kontra iti COVID-19.
Sigun kenni Mayor Benjamin Magalong, balligi a nakatungtung ni City Administrator Engr. Bonifacio Dela Peña ti DepEd ken dagiti dadaulo ti BCNHS para iti kiddaw ti lokal a gobierno.
Kinunana a mapagbalin ti BCNHS kas isolation area para kadagiti residente ti Baguio nga agawid ditoy siyudad kabayatan ti panakaikat iti Enhanced Community Quarantine kadagiti dadduma a lugar ditoy Luzon.
Agbalin ti BCNHS a maika-lima nga isolation facility ditoy Baguio iti aksion kontra COVID-19.
