Impetteng ti National Anti-Poverty Commission ken vegetable farmers for food conservation program a maysa rason iti maulit-ulit a parikut dagiti mannalon nangruna iti rehion Cordillera ket ti kinakurang ti awareness seknan kadagiti oportunidad, programs ken dadduma pay.
Sigun kenni NAPC USEC Roman Dannug, adda man ti Information, Education, and Communication (IEC) mainaig kadagiti programa.
Nupay kasta, saan unay a maawatan dagiti mannalon.
Impeksana a bagsak ti partisipasyon no awan ti pannakaammo, massive communition ken koordinasyon.
Malaksid iti dayta, kinuna ni NAPC Usec. Mary Rose Villafor nga adda ti pagkurkurangan ti LGU panggep iti daytoy.
Kabayatanna, impeksa ni Usec. Dannug a napateg ti convergence nga ipatpatungpal ti NAPC isu’t gapuna a nasken a tuloy-tuloy ti pannakipaset ti LGU ken basic sector agsipudta a maipak-pakaammo ditoy dagiti nadumaduma a programa ken daduma pay a pagsayaatan dagiti mannalon.
Sigun kenni CDA Asec Vergel Hilario, panggep dagitoy a maadaan iti “strong technical working group” no sadino, dagiti regional directors ti agbalin a technical working group.
Panggep daytoy a magun-od amin dagiti nasken a datos ken impormasyon seknan iti nasao nga isyu tapnu marisut a dagus dagiti parikut a kas iti importation dagiti nateng, oversupply ken dadduma pay.//Bombo Noveh Organo
